Torta de chocolate e praliné

Ingredientes:

Base: 100 g de fariña de arroz glutinoso, 100 g de fariña de repostería ADPAN , 60 g de azucre, 30 g de cacao en po sen glute, 100 g de manteiga fría, 2 xemas de ovo, 2 culleres de auga.
Recheo: 150 g de abelás tostadas e sen pel, 175 g de azucre,60 ml de auga, 300 ml de nata para montar, 200 g de chocolate fondant con leite sen glute, 200 g de chocolate fondant do 50% sen glute.
Cobertura: 160 ml de nata para montar, 40 ml de leite, 100 g de chocolate fondant do 50% sen glute, 100g chocolate fondant do 70% sen glute.




Elaboración:

Base:
  1. Mesturar as fariñas co azucre e co cacao.
  2. Poñer a mestura de sólidos na batedora, engadir a manteiga fría cortada en anacos. Bater ata ter unha mestura coa textura de area.
  3. Engadir as dúas xemas de ovo, se é necesario engadir as culleres de auga para que se forme unha bóla de masa.
  4. Envolver a masa en film e deixar repousar 1 hora na neveira.
  5. Sacar da neveira e cubrir coa masa o fondo e os laterais dun molde desmontable de 28 cm de diametro.
  6. Deixar repousar outra hora na neveira.
  7. Acender o forno a 180ºC.
  8. Meter o molde no forno e cocer en branco (cubrir a masa con papel e poñer peso enriba) durante 10 minutos.
  9. Sacar do forno, deixar arrefriar e volver a meter no forno outros 10 minutos. Sacar do forno e reservar.

Recheo:
  1. Poñer ao lume nun cazo o azucre e a auga. Deixar cocer ata obter un caramelo escuro.
  2. Poñer as abelás sobre un papel de forno untado de aceite previamente.
  3. Cando o caramelo estea feito botalo por enriba da abelás e deixar arrefriar.
  4. Cando estea frío, triturar o praline moi fino.
  5. Quentar a nata e engadir os chocolates en anacos pequenos, cando o chocolate estea fundido retirar do lume e engadir 2/3 do praliné (reservar o resto para decorar).
  6. Remexer e mesturar todo ben.
  7. Botar esta mestura sobre a tartaleta xa cocida e deixar repousar 1 hora ou 1 hora e media na neveira.

Cobertura
  1. Mesturar todos os ingredientes nun cazo e quentar ao lume suave ata que o chocolate estea derretido.
  2. Botar esta mestura por enriba da tarta con recheo e deixar repousar 1 hora na neveira.


Dificultade: Alta
Tempo aproximado: 4 horas incluíndo os repousos necesarios

Adaptada sen glute  de Gourmet Traveller

Comentarios

Publicar un comentario

Encantaríame saber a túa opinión