Trufas de cecimbre (Mentha sativa)

Ingredientes:

250 g de chocolate fondant sen glute, 150 g de nata de 35%, 25 g de manteiga, 10 g de follas frescas de cecimbre.

Elaboración:

1. Picar o chocolate, poñelo nun recipiente e reservar.
2. Colocar a nata e a cecimbre nun cazo e quentar a lume lento, cando comence a ferver retirar. 
3. Coar a nata.
4. Engadir á nata quente a manteiga e o chocolate, remexer ata que estean desfeitos e teñas unha crema.
5. Meter a mestura na neveira ata que arrefríe.
6. Forrar unha bandexa con papel  para forno e ir collendo cunha culler anaquiños da pasta de chocolate.
7. Facer boliñas, poñelas na bandexa e meter na neveira unhas 4 horas.
8. Rebozar as trufas con cacao puro ou azucre de lustre.
9. Aguantan varios días na neveira.

Dificultade: Fácil.
Tempo aproximado: 30 minutos (máis o repouso na neveira)