Espinacas cremosas con edamame e froitos secos

Ás veces vas deixando restos de paquetes de produtos conxelados e un día decides usalos todos para unha receita, esta é deste tipo. Hoxe no conxelador había espinacas e vaíñas de edamame . Tamén tiña, na despensa, un paquete aberto de froitos secos e outro de uvas pasas, con todo isto ocorréuseme facer estas espinacas cremosas. Unha receita moi fácil e moi saborosa.

Ingredientes:

• 500 g de espinacas conxeladas
• 300 g de vaiñas de edamame conxelado
• 1 cebola mediana
• 1 dente de allo
• 2 culleriñas de amidón de millo
• 150 ml de nata para cociñar
• 50 g queixo parmesano relado
• 100 g de froitos secos variados
• Unha presa de uvas pasas
• Pementa negra
• Noz moscada
• Sal
• Aceite de oliva virxe

Elaboración

1. Desconxelar as espinacas e vaíñas de soia (edamame ).
2. Abrir as vaiñas de soia e sacar as sementes, reservar.
3. Picar a cebola e poñela nunha tarteira cun pouco de aceite, engadir o allo picado.
4. Deixar que se pochen a cebola e o allo a lume suave.
5. Triturar os froitos secos, poñelos nunha tixola a lume suave, cando empecen a torrarse lixeiramente sacalos do lume e reservar.
6. Cando a cebola estea transparente engadir as uvas pasas e deixar que se cociñen uns minutos.
7. Engadir as espinacas e o edamame .
8. Botar o amidón de millo e remexer. Engadir a nata e remexer outra vez.
9. Deixar ao lume suave, engadindo a pementa,a noz moscada e o sal.
10. Despois duns minutos probar e rectificar de sal se é necesario.
11. Botar a unha fonte que podia meterse no forno.
12. Estender por enriba o queixo relado e os froitos secos.
13. Meter no forno a 180ºC ata que a superficie estea lixeiramente torrada.
14. Servir inmediatamente.

Dificultade: Moi fácil

Tempo aproximado: 40 minutos máis o tempo de deconxelación.

Alérxenos: