Cando vin a receita desta torta, en "Canal Cocina", pareceume moi fácil e con ingredientes que me encantan, así que pensei que en canto tivese tempo ía adaptala para facela sen glute.
O biscoito queda bastante seco polo que é imprescindible bañalo con xarope, eu engadinlle, ao xarope, unhas pingas de zume de limón para rebaixar a dozura.
O biscoito queda bastante seco polo que é imprescindible bañalo con xarope, eu engadinlle, ao xarope, unhas pingas de zume de limón para rebaixar a dozura.
Ingredientes:
Biscoito:
- 4 ovos
- 60 g de amidón de millo
- 60 g de fariña de arroz
- 120 g de azucre
- 8 g de impulsor químico
Recheo:
- 500 g de iogur natural grego
- 120 g de azucre glas
- A pel relada dun limón
- 120 g de pistachos sen casca
- Froitos vermellos ao gusto
Ademais:
- 150 g de auga
- 150 g de azucre
Elaboración:
Biscoito:
- Acender o forno a 160ºC, con lume arriba e abaixo.
- Separar as xemas da claras dos ovos.
- Bater as claras ata punto de neve firme, reservar.
- Bater as xemas co azucre ata que aumente o volume e a cor sexa máis clara.
- Mesturar as claras coas xemas remexendo suavemente para que non baixen as claras.
- Ir engadindo aos poucos a mestura de fariñas e o impulsor. Remexer suavemente dende o fondo ata que a fariña estea ben integrada.
- Pasar a mestura a un molde de 20 cm de diámetro forrado con papel de forno.
- Meter no forno durante 35 minutos aproximadamente.
- Deixar arrefriar.
Montaxe da torta:
- Poñer nun cazo os 150 g de auga e os 150 g de azucre e ferver durante uns 5 minutos. Deixar arrefriar o xarope.
- Cortar o biscoito en dúas capas.
- Mollar cada unha das capas do biscoito co xarope ata que estea ben húmido, xa que este biscoito é un pouco seco.
- Mesturar o iogur e o azucre glas.
- Picar os pistachos golpeándoos cun rodete.
- Mesturar os pistachos e o iogur. Engadir a pel relada de limón.
- Colocar unha capa de biscoito e enriba dela a mestura de iogur e pistachos na cantidade necesaria para cubrila.
- Cubrimos coa outra capa de biscoito e estendemos o resto do iogur con pistachos sobre a parte superior e os laterais da torta.
- Decorar cos froito vermellos.
Tempo aproximado: 1 hora e 30 minutos, hai que ter en conta o tempo que tarda o biscoito en arrefriar.
Alérxenos:
Comentarios
Publicar un comentario
Encantaríame saber a túa opinión