Petit Choux de crema

Estes pasteis encantábanme de nena. Sempre tomaba primeiro o  glaseado de chocolate e cando xa tiña "limpo" o pastel, comía o resto. Pero é o que ten ser  celíaca  ou fas ti os pasteis ou tes que esquecerte deles. Así que ao choio e aquí están. De cando en vez hai que darse un capricho

Ingredientes:

Masa choux: 2 ovos, 50 g de manteiga, 100 ml de auga, 63 g de amidón de millo, un chisco de sal
Crema pasteleira: 2 xemas de ovos, 250 ml de leite, 60 g de azucre, 25 g de amidón de millo, 1 pau de canela, a pel dun limón.
Glaseado de chocolate: 100 g de chocolate negro, 50 g de manteiga, 50 g de nata (35%)

Elaboración:

Masa choux:

1. Poñer a fever a auga, a manteiga e o chisco de sal.
2. Cando empece a ferver engadir, dunha vez, o amidón de millo. remexer con variñas para que non queden grumos.
3. Deixar arrefriar un pouco a masa e ir engadindo os ovos un a un. Estes pasos poden facerse coa batedora e será maís fácil que non se formen grumos.
4. Deixar arrefriar completamente a masa e pasala a unha manga pasteleira.
5. Poñer papel sulfurizado sobre unha fonte de forno. Distrubuir a masa en pequenas porcións ben separadas entre elas.
6. Meter ao forno durante 15 minutos a 200ºC.
7. Apagar o forno e deixar os pasteliños dentro sen abrir o forno ata que estea temperado, xa que os pasteliños baixarán se arrefrían moi rápido.

Crema pasteleira:

1. Mesturar as xemas, azucre e o amidón de millo, engadir un pouco de leite frío.
2. Quentar o resto do leite xunto co pau de canela e a pel de limón.
3. Cando o leite empece a ferver ir engadindo pouco a pouco sobre a mestura de xemas remexendo continuamente.
4. Cando a mestura estea líquida engadila ao cazo e poñer a lume suave sen deixar de remexer.
5. Cando empece a espesar seguir remexendo vigorosamente fóra do lume.
6. Retirar o pau de canela e a pel de limón, pasar a crema a un recipiente e deixar que arrefríe completamente. Cando xa estea morna tapala con flim e reservar na neveira.

Glaseado de chocolate:

1. Poñer todos os ingredientes nun cazo a lume moi suave.
2. Remexer continuamente ata que o chocolate estea fundido e se forme unha crema homoxénea.
3. Reservar a temperatura ambiente.

Montaxe:

1. Unha vez que os pasteliños estean fríos facerller un corte nun lateral cunha tesoira.
2. Poñer a crema pasteleira nunha manga e encher os pasteliños de crema polo burato feito coa tesoira.
3. Introducir unha das caras de cada pasteliño no glasedo de chocolate.
4. Deixar que o glaseado arrefríe completamente.

Dificultade: Media.
Tempo aproximado: 90 minutos.
Alérxemos: