Cada vez máis prefiro comer pratos vexetarianos. Os cogomelos son unha boa opción para variar a dieta. Esta receita é moi fácil e os cogomelos quedan moi saborosos, acompañeinos con noodles, pero poden facerse con arroz, con pasta ou con ovos.
Dificultade: Moi fácil
Tempo aproximado: 30 minutos.
Alérxenos:
Ingredientes:
500 g de cogomelos variados, dúas cenorias, 1 cebola mediana, 1 dente de allo, un anaco de 2 cm de xenxibre, 4 pementos do "piquillo", perexil, coandro, aceite de oliva virxe, pementa, pemento picante, curry, sal, anacardos.Elaboración:
- Picar o allo e o xenxibre.
- Poñer nunha tixola dúas culleres de aceite, cando estea quente engadir o allo e o cilantro.
- Despois de 2 minutos engadir a cebola, os pementos picados e as cenorias todo picado en anacos pequenos.
- Cando a cebola estea transparente engadir os cogomelos en anacos, remexer.
- Engadir a pementa o pemento picante, o curry e o sal, cando os cogomelos estean medio feitos.
- Deixar facer uns 20 minutos.
- Torrar os anacardos nunha tixola e reservar
- Preparar os noodles segundo as instrucións do paquete.
- Servir os noodles e botar por enriba os cogomelos guisados.
- Engadir anacardos tostados e coandro ao gusto.
Dificultade: Moi fácil
Tempo aproximado: 30 minutos.
Alérxenos:
Comentarios
Publicar un comentario
Encantaríame saber a túa opinión