Galletas de chocolate con fariña de arroz


Volvo cunha receita moi sinxela e de chocolate, que máis se pode pedir?


Ingredientes:

115 g de manteiga a temperatura ambiente, 60 g de azucre glas, 95 g de fariña de arroz, 3 xemas de ovo, 30 g de cacao puro, 2 culleres de amidón de millo, un chisco de sal.

Elaboración:


  1. Mesturar todos os ingredientes ata ter unha masa homoxénea.
  2. Envolver a masa en flim e facer un rolo.
  3. Meter a masa na neveira durante dúas horas para que endureza.
  4. Despois das dúas horas acender o forno a 170ºC.
  5. Sacar a masa da neveira e cortar o rolo en toros finos.
  6. Poñer os toros sobre unha bandexa de forno protexida con papel.
  7. Meter no forno durante 12 minutos.
  8. Sacar do forno e deixar arrefriar.
  9. Se se quere botar azucre glas por enriba das galletas.





Dificultade: Moi fácil.
Tempo aproximado: 30 minutos máis o repouso na neveira.
Alérxenos:


Comentarios