Encántanme os sabores agre doces, así que receita que atopo, receita que intento facer.
Estas peras quedan deliciosas en ensalada, danlle un punto distinto, iso si, como levan bastante vinagre á ensalada só lle boto aceite e sal. Aínda que non as probei penso que teñen que estar moi ricas acompañando a un queixo forte.
A primeira vez que as fixen deixei o xarope ao lume, e cando me lembrei atopei un bloque de carbón na tarteira, Esta vez non me separei da cociña ata que estivo feito. Sobroume parte do xarope e está gardado na neveira para aliñar algunha ensalada, creo que ten que ir moi ben, é moi aromático.
Estas peras quedan deliciosas en ensalada, danlle un punto distinto, iso si, como levan bastante vinagre á ensalada só lle boto aceite e sal. Aínda que non as probei penso que teñen que estar moi ricas acompañando a un queixo forte.
A primeira vez que as fixen deixei o xarope ao lume, e cando me lembrei atopei un bloque de carbón na tarteira, Esta vez non me separei da cociña ata que estivo feito. Sobroume parte do xarope e está gardado na neveira para aliñar algunha ensalada, creo que ten que ir moi ben, é moi aromático.
Ingredientes:
1 kg de peras, 500 ml de vinagre de viño branco, 500 g de azucre, 1 pau de canela, 5 cravos, 1 culleriña de pementa negra, 1 culleriña de pementa verde, 5 cm de xenxibre cortado en toros, a pel dunha laranxa.Elaboración:
- Poñer todos os ingredientes, agás as peras, nunha tarteira ao lume suave.
- Pelar as peras, quitarlles o carozo e cortar en cuartos.
- Cando o azucre estea totalmente disolto engadir as peras á tarteira.
- En canto as peras estean feitas e sen desfacerse sacalas da tarteira e reservar.
- Deixar ferver o líquido, a lume suave, ata ter un xarope.
- Poñer as peras nun bote de cristal e engadirlles o xarope. Pechar o bote e gardar na neveira. Canto máis tempo estean as peras no xarope máis saborosas estarán.
Dificultade: Moi fácil
Tempo aproximado: 30 minutos
Alérxenos: Non ten
Comentarios
Publicar un comentario
Encantaríame saber a túa opinión