Xeado de noces

Ingredientes: 

500 g de noces, 1 litro e medio de leite, 4 culleres de azucre, 2 culleres de azucre invertido.

Elaboración:

1. Mesturar todos os ingredientes nunha tarteira e poñelos ao lume suave.
2. Deixar facer moi despacio durante uns 70 ou 80 minutos. Ten que quedar cunha consistencia como de natas lixeiras.
3. Coar a mestura para separar as noces.
4. Engadir ao líquido algunhas das noces e trituralas coa batedora.
5. Deixar que a mestura arrefríe e despois gardala ata o día seguinte na neveira.
6. Pasar o preparado á máquina de xeados*.
7. Gardar no conxelador. 
8. Para consumir sacar un pouco antes.

*Pode facerse sen máquina metendo a mestura no conxelador ata que empece a conxelar, entón sácase e bátese, repítese esta operación ata que o xeado quede cremoso.

Dificultade: Moi fácil

Tempo aproximado: 1h e 30 minutos máis o repouso.

Alérxenos: