Non sei se outros anos os albaricoques están tan bos, este ano, desde que empezou a tempada, están boísimos, sempre os atopo no seu punto de maneira que xa fixen esta marmelada varias veces, queda estupenda. Normalmente as receitas de marmelada indican botar o mesmo peso de azucre que de froita, a min paréceme que quedan excesivamente doces, así que boto a metade, pero se se prefire pode aumentarse a cantidade de azucre.
Dificultade: Facilísima.
Tempo aproximado: 1 hora e 30 minutos.
Alérxenos:
Non contén
Ingredientes:
2 kg de albaricoques maduros, 1 kg de azucre, 1 limón.Elaboración:
- Lavar ben os albaricoques.
- Cortalos pola metade e sacar a pébeda. Cortar cada metade en dous se son grandes.
- Mesturar os albaricoques cortados co azucre e o zume do limón.
- Deixar repousar unha noite.
- Poñer todo nunha tarteira a lume suave.
- Deixar que ferva remexendo de vez en cando.
- Cando a marrmelada acade os 104º ou 105ªC retirar do lume.
- Pasar a marmelada aos botes de conservas, ben limpos, e pechalos ao baleiro.
- Etiquetar os botes e gardalos na despensa.
Dificultade: Facilísima.
Tempo aproximado: 1 hora e 30 minutos.
Alérxenos:
Non contén
Comentarios
Publicar un comentario
Encantaríame saber a túa opinión