Orellas de entroido sen glute

Non poder tomar glute non ten que implicar renunciar a moitas sobremesas típicas que levan fariña de trigo. Iso si tes que estar disposta a "pelexar" coas masas sen glute que ás veces son un verdadeiro pesadelo. Neste caso facer a masa foi sinxelo o problema estivo á hora de estirala, as orellas teñen que quedar moi finas e esta masa rompe con facilidade, así que hai que ter paciencia e tratala con moito mimo, despois de todo isto xa podes gozar da orellas de entroido


Ingredientes:

150 g de fariña sen glute (Schär, mix C), 1 ovo grande, 50 g de manteiga fundida, 10 g de aceite de oliva virxe extra suave, 1 chisco de sal, 3 culleriñas de azucre, 2 culleriñas de esencia de anís, azucre para decorar, aceite de xirasol para fritir.


Elaboración:


  1. Mesturar todos os ingredientes na batedora ata obter unha masa que se separe das paredes.
  2. Pode ser necesario engadir un pouco de auga dependendo do tamaño do ovo.
  3. Deixar repousar a masa polo menos unha hora na neveira.
  4. Sacar a masa da neveira e ir collendo anacos do tamaño dunha noz.
  5. Estirar cada anaco co rolete ata que a masa quede moi fina.
  6. Poñer a quentar aceite de xirasol nunha tixola e cando estea quente ir fritindo cada orella.
  7. Ao sacalas da tixola deixalas repousar sobre papel de cociña para que absorba o exceso de aceite.
  8. Botarlles azucre por enriba e servir.



Dificultade: Media
Tempo aproximado: 1 hora máis o repouso na neveira.