Encántame as perdices e os paspallás, asi que cando vin esta receita en Loleta souben que tiña que facela. A receita orixinal é con perdices, como non puiden conseguilas decidín variar un pouco a receita e facela con paspallás. A única dificultade que ten é limpar as aves, como son tan pequenas, realmente, o que se aproveita son as peitugas. O paté pode conxelarse.
Dificultade: Media
Tempo aproximado: 1 hora e media máis o tempo que tardan os paspallás en arrefriar.
Ingredientes:
8 paspallás, 1 cebola mediana, 2 dentes de allo, 1 folla de loureiro, 1 culler de pemento doce, 250 ml de brandy, un chisco de pementa negra, 1 chisco de noz moscada, 1 cravo, media lata pequena de tomate triturado, sal, 2 ovos, 250 ml de leite, aceite de oliva virxe extra.Elaboración:
- Poñer nunha tarteira a cebola cortada e os dentes de allo cun pouco de aceite, quentar ao lume suave ata que estean pochados.
- Poñer os papapallás na tarteira e dourar por todos os lados. Retirar da tarteira e reservar.
- Engadir o brandy e queimar ata que non teña alcol.
- Engadir as especias, o sal e o tomate.
- Volver a meter os paspallás na tarteira e engadir un pouco de auga, o suficiente para que as aves queden cubertas.
- Deixar que cozan a lume lento ata que estean feitos, uns 20 ou 30 minutos.
- Deixar que arrefríen na salsa.
- Cando os papallás estean fríos retiralos da salsa e limpar a carne de pel e osos.
- Poñer a carne nun procesador e engadir un pouco de salsa para obter unha pasta.
- Mesturar a pasta cos ovos batidos e o leite. Se queda moi espesa engadir un pouco de salsa.
- Untar con aceite un molde e cubrir as paredes con pan relado sen glute.
- Quentar o forno a 180ºC e poñer unha bandexa con auga.
- Poñer o molde na bandexa e deixar cociñar durante uns 30 minutos.
- Deixar arrefriar completamete o paté antes de sacar do molde.
- Consumir sobre pan cun pouco de aceite de oliva virxe extra.
Dificultade: Media
Tempo aproximado: 1 hora e media máis o tempo que tardan os paspallás en arrefriar.
Comentarios
Publicar un comentario
Encantaríame saber a túa opinión