Gústanme todos os moluscos pero o meu preferido é, sen dúbida, a vieira. Gústame de todas as maneiras, en empanada, ao forno, o sushi....
A receita de hoxe é moi sinxela e creo que moi sabrosa. Cando se cociñan vieiras é importante deixalas ao punto, non cociñalas en exceso, neste caso hai que douralas polas dúas caras sen que se fagan moito. Cando non están demasiado cociñadas o seu sabor e a súa textura é deliciosa.
Dificultade: Fácil.
Tempo aproximado: 40 minutos.
A receita de hoxe é moi sinxela e creo que moi sabrosa. Cando se cociñan vieiras é importante deixalas ao punto, non cociñalas en exceso, neste caso hai que douralas polas dúas caras sen que se fagan moito. Cando non están demasiado cociñadas o seu sabor e a súa textura é deliciosa.
Ingredientes (para dúas persoa):
Unha presa de espárragos verdes, 4 vieiras limpas, 1 limón, 150 ml de caldo vexetal, 4 talladas finas de xamón, aceite de oliva virxe extra, pementa negra moída, sal.Elaboración:
- Quitarlle aos espárragos un anaco duns 5 cm da parte máis dura.
- Poñer auga a ferver cun pouco de sal.
- Escaldar os espárragos durante 1 minuto e logo pasar a auga fría con xeo e reservar.
- Poñer nunha tixola as talladas de xamón e quentalas ata que estean ben crocantes, reservar.
- Botarlle sal e pementa ás vieiras.
- Na mesma tixola, na que se fixo o xamón, engadir un pouquiño de aceite e poñer as vieiras a lume forte ata que collan cor polas dúas caras.
- Reservar as vieiras fóra do lume.
- Engadir á tixola o zume de limón, a pel relada do limón e o caldo vexetal, quentar ata que reduza á metada máis ou menos.
- Mentres quentar os espárragos ao vapor.
- Poñer as vieiras na tixola coa salsa uns segundo para quentalas.
- Servir en cada prato a metade dos espárragos e dúas vieiras coa salsa de limón. Colocar enriba dúas talladas de xamón.
Dificultade: Fácil.
Tempo aproximado: 40 minutos.
Comentarios
Publicar un comentario
Encantaríame saber a túa opinión