Nesta receita necesítase facer unha masa para a base do pastel, coma sempre, facela sen glute complica a súa elaboración. Se non é necesario prescindir do glute a receita pode ser moi fácil e rápida utilizando algunha das masas conxeladas que existen no mercado.
A masa sen gluten e difícil de estirar, eu forro o molde poñendo anacos da masa e estirándoos coas mans húmidas ata ter unha capa, máis ou menos fina, cubrindo todo o molde.
Para o recheo: 1 allo porro, 3 cenorias, 1 presa de xudías verdes, 1 taza de chícharos frescos, 150 g de espinacas frescas, 3 ovos, 200 ml de nata, sal, pementa negra moída,50 g de xamón picado, aceite de oliva virxe extra.
A masa sen gluten e difícil de estirar, eu forro o molde poñendo anacos da masa e estirándoos coas mans húmidas ata ter unha capa, máis ou menos fina, cubrindo todo o molde.
Ingredientes:
Para a masa: 180 g de fariña de arroz glutinoso, 160 g de améndoa moída, 90 g de queixo parmesano relado, 1 culleriña de sal, 6 culleriñas de liño dourado moído, 12 culleriñas de auga fervendo, 6 culleres de auga fría, 3 ovos.Para o recheo: 1 allo porro, 3 cenorias, 1 presa de xudías verdes, 1 taza de chícharos frescos, 150 g de espinacas frescas, 3 ovos, 200 ml de nata, sal, pementa negra moída,50 g de xamón picado, aceite de oliva virxe extra.
Elaboración:
Para a masa- Mesturar as 6 culleriñas de liño coas 12 culleriñas de auga fervendo, remexer e reservar ata que arrefríe.
- Mesturar a fariña, a améndoa, o queixo parmesano,o sal e a pasta de liño e auga.
- Poñer na batedora de variñas e mesturar os ingredientes anteriores.
- Engadir os ovos e seguir batendo .
- Engadir a auga fría aos poucos ata que a masa se separe das paredes do recipiente.
- Forrar un molde desmontables coa masa, facendo unha capa fina.
- Cubrir a masa cun papel de forno e poñer enriba peso, para que a masa ao cocer non suba.
- Meter o molde durante 15 minutos no forno a 200ºC con calor por abaixo e co ventilador acendido.
Para o recheo
- Picar o allo porro, as cenorias e as xudías.
- Poñer un pouco de aceite nunha tixola a lume suave.
- Engadir todas as verduras e deixar que se fagan despacio.
- Bater os ovos, engadir a nata, botar un pouco de sal e de pementa negra. Reservar.
- Cando as verduras estean case feitas, engadilas aos ovos coa nata, remexer.
- Botar a mestura anterior na tartaleta feita coa masa.
- Engadir por enriba o xamón picado.
- Meter no forno durante uns 15 minutos a 150ºC co ventilador acendido.
Dificultade: Media
Tempo aproximado: 1 hora
Comentarios
Publicar un comentario
Encantaríame saber a túa opinión