Arroz de verduras con azafrán e améndoas

O arroz basmati proceda da India é de gran estreito e alongado e unha vez lavado cócese en pouco tempo. Esta é unha receita moi sinxela de arroz e verduras, a única precaución que hai que ter é non cocer demasiado tempo o arroz.
Este arroz pode servirse como prato principal ou como acompañamento doutros pratos de peixe ou polo.




Ingredientes:

400 g de arroz basmati, 3 chalotas, 1 dente de allo, 1 cenoria mediana, 100 g chícharos frescos, de  10 g de xenxibre fresco, 70 g de améndoas picadas, azafrán, 300 ml de caldo de verdura, 1 culleriña de garam masala, sal, aceite virxe extra.

Elaboración: 

  1. Tostar as améndoas ata que estean lixeiramente douradas.Reservar.
  2. Pelar o xenxibre e relalo. Reservar.
  3. Pelar e picar as chalotas e o dentes de allo, poñelos nunha tixola cun pouco de aceite a lume lento.
  4. Cando as chalotas empecen a estar transparentes engadir o azafrán, os chícharos e a cenoria picada en anacos pequenos. 
  5. Deixar que as verduras se cociñen suavemente.
  6. Lavar o arroz basmati con auga fría ata que a auga saia clara. Escorregar o arroz e cocelo en abundante auga con sal durante uns 8 minutos, controlar que neste punto o arroz non se coza completamente. 
  7. Coar o arroz e reservar.
  8. Cando as verduras estean case feitas engadir o caldo e o garam masala e esperar a que ferva.
  9. A continuación engadir o arroz e o xenxibre relado, remexer ata que o arroz colla cor.
  10. Servir o arroz botándolle por enriba as améndoas picadas.


Dificultade: Fácil.
Tempo aproximado: 45 minutos