sábado, 14 de marzo de 2015

Laranxas con xarope de especias e escuma de iogur

Ingredientes:

5 laranxas medianas, 200 ml de auga, 100 g de azucre, 1 anís estrelado, 1 pau de canela, 5 vaíñas de cardamomo, 1 culleriña de pementa de Sichuan, 2 iogures naturais, 200 ml de nata (35%).




Elaboración:

  1. Espremer unha laranxa e reservar o zume.
  2. Poñer nun cazo todas as especias, a auga e o azucre. Deixar ferver ata que o xarope empeze a coller cor.
  3. Retirar do lume e engadir pouco a pouco o zume de laranxa, remexer, coar e reservar.
  4. Mesturar os iogures e a nata, engadir azucre ao gusto*
  5. Poñer a mestura nun sifón** de 1/2 litro e usar dúas cápsulas de gas. Reservar na neveira.
  6. Pelar as laranxas "ao vivo", quitándolles toda a pel branca.
  7. Cortar as laranxas en toros de 0,5 cm de grosor, aproximadamente.
  8. Poñer os anacos de laranxa nunha fonte, botarlles o xarope e reservar na neveira.
  9. No momento de servir poñer a escuma de iogur por enriba das laranxas.
 *Mellor non botarlle moito azucre ao iogur xa que o xarope endulzará suficiente a sobremesa.
** Se non se dispón de sifón pode facerse mesturando o iogur con clara de ovo montada ao punto de neve.





Dificultade: Facilísima
Tempo aproximado: 30 minutos