Ingredientes:
100 g de espaguetis de millo sen glute por persoa, 1,5 kilos de mexillóns frescos (para 4 racións), 1 cebola mediana, 1 dente de allo, 400 g de tomate natural triturado, aceite de oliva virxe extra, sal, pementa de caiena, perexil, queixo parmesano relado.Elaboración:
- Poñer os mexillóns nunha tarteira tapada ao lume lento ata que os mexillóns estean todos abertos.
- Sacar os mexillóns das cunchas e reservar. Gardar a auga que soltaron os mexillóns ao cocerse.
- Pelar e picar a cebola en anacos pequenos. Picar, moi fino, o dente de allo.
- Poñer a cebola e o allo nunha tixola cun pouco de aceite e facelos a lume suave ata que a cebola estea transparente.
- Engadir o tomate e remexer.
- Engadir a auga dos mexillóns, previamente coada.
- Engadir media culleriña de pementa de caiena, ou máis cantidade segundo o gusto.
- Remexer e cociñar ao lume suave durante uns 10 minutos.
- Engadir os mexillóns e deixar ao lume uns cinco minutos. Reservar mantendo quente.
- Cocer os espaguetis segundo as instrucións do envase.
- Escorregar os espaguetis e botarlles por enriba a salsa cos mexillóns. Engadir o queixo relado e un pouco de perexil picado.
- Servir inmediatamente.
Dificultade: Facilísima
Tempo aproximado: 45 minutos.
Comentarios
Publicar un comentario
Encantaríame saber a túa opinión