Filloas de iogur con mazás e salsa de caramelo

Ingredientes:

Filloas: 1 iogur natural, 2 ovos, 100 g de auga, 110 g de fariña sen glute (Adpan), manteiga.

Salsa de caramelo: 200 g de azucre, 45 g de auga, 100 g de nata, 1 culleriña de sal.

Ademais: 2 mazás, manteiga.

Elaboración:

Salsa de caramelo:

1. Botar o azucre e a auga nun cazo e poñer ao lume forte.
2. Poñer a nata noutro cazo ao lume suave.
3. Cando o azucre empece a coller cor retirar do lume e engadir a nata pouco a pouco, remexendo continuamente e con moito coidado, xa que pode derramarse o cazo co caramelo.
4. Engadir o sal e remexer.
5. Reservar.

Filloas:

1. Mesturar todos os ingredientes agás a manteiga. Batelos ben ata ter unha mestura homoxénea.
2. Untar de manteiga unha filloeira, ou tixola plana, e poñela ao lume.
3. Cando a filloeira estea ben quente botar nela a mestura suficiente para cubrir o fondo cunha capa fina.
4. Cando os bordos de filloa empecen a coller cor darlle a volta, deixar facer 2 minutos , aproximadamente, e retirar.
5. Repetir o proceso ata terminar a mestura.

Montaxe:

1. Pelar as mazás e cortalas en anacos medianos.
2. Poñer un pouco de manteiga nunha tixola e quentala.
3. Cando a manteiga estea quente saltear os anacos de mazá durante 3 ou 4 minutos.
4. Poñer anacos de mazá sobre cada unha das filloas, botar por enriba a salsa de caramelo e facer un paquetiño cas filloas. Servir tépedas.

Dificultade: Fácil
Tempo aproximado: 1 hora