Ingredientes:
Para 6 persoas: 1 kg de lombos de bonito sen pel, unha cebola grande, un pemento de Arnoia ( ou italiano), 6 ou 8 tomates moi maduros ( ou de lata enteiros), aceite virxe extra, sal, pementa moida.Elaboración:
- Pelar os tomates e cortalos en dados grandes, cortar a cebola en xuliana.
- Poñer a cebola nunha tarteira cun pouco de aceite e pochala lentamente.
- Mentres se fai a cebola, cortar o bonito en anacos e salpimentar. Poñer un pouco de aceite nunha tixola e dourar, polos dous lados, os anacos de bonito. Só dourar o bonito, sen que chegue a facerse. Reservar.
- Cando a cebola estea ben pochada engadir os tomates pelados e cortados, remexer, engadir sal e deixar cocer suavemente. Se os tomates soltan moita auga subir o lume para que a salsa espese.
- Cando a salsa de tomate xa estea feita probar e rectificar de sal e engadir un pouco de azucre, se é necesario.
- Uns 20 minutos antes de servir engadir os anacos de bonito á salsa de tomate baixando o lume. Aos 15 minutos apagar o lume deixando a tarteira á calor.
Dificultade: Fácil.
Tempo aproximado: 1 hora e media.
Este comentario foi eliminado polo autor.
ResponderEliminarComo o cociñaban as vosas nais?
ResponderEliminar