xoves, 3 de xullo de 2014

Xeado de augardente tostada

Ingredientes:

250 ml de leite enteiro, 200 ml de nata, 100 ml de augardente tostada*, 4 culleres de augardente tostada, 1 culleriña de amidón de millo (Maizena), 4 culleres de azucre invertido.

* Pode substituirse por outro licor.


Elaboración:

  1. Reservar un pouco de leite frío para disolver o amidón de millo.
  2. Poñer a quentar o resto do leite xunto coa nata.
  3. Cando comece a ferver engadir os 100 ml de augardente e as culleres de azucre invertido.
  4. Engadir o amidón de millo disolto en leite frío.
  5. Remexer a mestura ata que teña unha consistencia de "natillas" lixeiras.
  6. Retirar do lume e deixar arrefriar.
  7. Cando a mestura estea a temperatura ambiente engadir as 4 culleres de augardente, remexer e gardar na neveira unhas 12 horas.
  8. Pasar o preparado á máquina de xeados*.
  9. Gardar no conxelador. Para consumir sacar un pouco antes do conxelador.



*Pode facerse sen máquina metendo a mestura no conxelador ata que empece a conxelar, entón sácase e bátese, repítese esta operación ata que o xeado quede cremoso.


Dificultade: Media.
Tempo aproximado: 30 minutos + máis o repouso.