domingo, 20 de xullo de 2014

Torta de limón

Ingredientes:

Masa quebrada: 240 g de Mix Dolci Schär, 150 g de manteiga, 1 pizca de sal, 2 xemas de ovo, 40 g de azucre. 

Crema de limón.

Merengue italiano: 250 g de clara pasteurizada, 600 g de azucre, 200 ml de auga, 70 g de glicosa en po.



Elaboración:


Masa:
  1. Mesturar todos os ingredientes e formar unha pasta lisa.
  2. Deixala repousar durante unha hora no frigorífico.
  3. Estendela entre dúas follas de papel de forno, e darlle unha forma redonda. 
  4. Usar un molde desmontable de silicona ou untar con manteiga e espolvorear con fariña un molde metálico para tortas. 
  5. Colocar a masa no molde, retirar o que sobresae.
  6. Pinchar cun garfo para que no forno non se formen bolsas de aire.
  7. Deixar no forno durante uns 20 minutos a 180°, deixala arrefriar ben.
Merengue italiano:
  1. Cocer o azucre e a auga e cando estean a punto de ferver retirar e engadir a glicosa.
  2. Mesturar e cocer ata 121 º C.
  3. Neste momento, comezar a montar as claras e cando estean a punto de neve, engadir o almíbar a 121 º C en fío sen deixar de montalas.
  4. Seguir montando ata que o merengue estea frío.
Montaxe:
  1. Cubrir o fondo da torta coa crema de limón.
  2. Decorar ao gusto co merengue.

Dificultade: Media.
Tempo aproximado: 1 hora e media.