xoves, 9 de xaneiro de 2014

Pastel de mexillóns, gambas e algas

Ingredientes:

20 mexillóns, 10 gambas, 10g de alga Wakame seca, 1 allo porro, 2 cebolas medianas, 125 g de tomate natural triturado, 50 ml de brandy, 3 ovos, 250 ml de nata, sal, pementa negra moída, aceite de oliva virxe extra.




Elaboración:

  1. Poñer as algas a remollo.
  2. Poñer os mexillóns nunha tarteira a lume suave ata que se abran co seu vapor.
  3. Pelar as gambas e reservar as cabezas.
  4. Picar a parte branca do allo e unha das cebolas.
  5. Poñer nunha tixola o allo porro e a cebola cun pouco de aceite e facer a lume suave ata que estean transparentes.
  6. Engadir á tixola as cabezas das gambas e esmagalas para que solten os xugos. Engadir a metade do brandy e a metade do tomate triturado. Deixar que se faga todo a lume lento.
  7. Cando os mexillóns están cocidos, sacalos da cuncha, coar a auga que soltaron na cocción e reservar.
  8. Engadir á tixola uns 125 ml da auga que soltaron os mexillóns, remexer e deixar que ferva todo uns 5 minutos.
  9. Triturar moi ben o contido da tixola e logo pasar o puré por un coador fino, probar para rectificar de sal se é necesario. Reservar o puré.
  10. Picar a segunda cebola e poñela nunha tixola cun pouco de aceite deixar que se faga a lume lento ata que estea transparente.
  11. Engadir á tixola os mexillóns e as gambas, remexer e deixar que se fagan.
  12. Engadir á tixola os pementos picados e as algas, o resto do tomate, o resto do brandy e un pouco de pementa.
  13. Engadir á tixola 4 culleres grandes do puré feito coas cabezas das gambas.
  14. Bater os ovos e engadirlles a nata.
  15. Pasar pola batedora o contido da tixola e unha vez triturado, mesturalo cos ovos e a nata.
  16. Pasar esta mestura a un molde de cake de silicona ou metálico, neste caso untalo de manteiga e espolvorear con pan relado sen glute.
  17. Acender o forno a 150 ºC poñendo unha bandexa con auga.
  18. Cando o forno acade a temperatura meter o molde ao baño María durante uns 45 minutos, antes de sacar comprobar que o pastel estea callado pinchando cun coitelo, se está feito o coitelo ten que saír limpo.
  19. Deixar arrefriar antes de sacar do molde.
  20. Servir co puré feito coas cabezas de gambas, pode servirse frío ou quente e acompañalo de algas aliñadas con zume de limón.



Dificultade: Media.
Tempo aproximado: 2 horas.