Ingredientes:
125 g de manteiga a temperatura ambiente, 125 g de fariña milla, 175 g de azucre, 4 ovos, 1 culleriña de lévedo químico.Elaboración:
- Acender o forno a 180ºC.
- Separar as xemas das claras dos catro ovos.
- Bater as claras ata que estean a punto de neve.
- Bater a manteiga co azucre ata ter unha crema homoxénea.
- Engadir as xemas á crema de manteiga e azucre, bater ata que estean ben incorporadas.
- Engadir á mestura anterior a fariña e o lévedo remexendo ata que estean ben incorporados.
- Engadir á mestura anterior as claras a punto de neve remexendo suavemente para que non baixen.
- Botar a mestura nun molde de cake e meter no forno durante 40 minutos.
- Antes de sacar do forno comprobar que o biscoito estea feito pinchándoo cun coitelo, se está feito o coitelo debe saír limpo.
- Deixar arrefriar antes de sacar do molde.
Dificultade: Fácil.
Tempo aproximado: 1 hora
Comentarios
Publicar un comentario
Encantaríame saber a túa opinión