Ingredientes:
Para 6 comensais1 polbo de 2 kg cocido, 2 ou 3 cebolas, 4 ou 5 pementos do "piquillo", 15 patacas pequenas, pemento moído doce, pemento moído picante, aceite de oliva virxe, sal, 300 ml de viño branco.
Elaboración:
- Se o polbo é fresco conxelalo durante, polo menos, dous días.
- Poñer unha tarteira ao lume con auga suficiente para cubrir completamente o polbo.
- Cando a auga está fervendo de seguido meter e sacar o polbo nela por tres veces.
- Despois da terceira vez deixar o polbo na auga fervendo durante 40 minutos, coa tarteira tapada.
- Pinchar cun mondadentes na parte máis gorda para comprobar que está feito.
- Mentres se coce o polbo picar as cebolas en anacos pequenos.
- Poñer as cebolas nunha tarteira cun pouco de aceite e deixar que se fagan ao lume lento.
- Cando a cebola estea case feita engadir os pementos do "piquillo" cortados en anacos pequenos, remexer e deixar que se cociñen ao lume lento.
- Engadir as patacas peladas, remexer, engadir o viño, o sal e auga suficiente para cubrir ás patacas.
- Cando o polbo estea feito sacalo da auga e cortalo.
- Engadir os anacos de polbo á tarteira das patacas cando estas xa estean feitas.
- Corrixir de sal. Engadir pemento moído doce e picante ao gusto.
- Deixar ferver ao lume moi lento ata o momento de servir.
Dificultade: Fácil.
Tempo aproximado: 1 hora e media.
Comentarios
Publicar un comentario
Encantaríame saber a túa opinión