xoves, 15 de agosto de 2013

Pastel de allo-porro con parmesano e xamón

Ingredientes:

Para a masa: 200 g de fariña sen glute, 100 g de manteiga fría, 1 ovo.
Para o recheo: 2 allos-porros, 4 ovos, 100 ml de nata líquida, 100 g de queixo parmesano relado, 2 ou 3 talladas de xamón.





Elaboración:


Para a masa: 

  1. Poner na batedora a fariña e a manteiga cortada en dadiños, bater ata que a mestura quede como area, engadir o ovo e seguir batendo ata que estea incorporado.
  2. Facer unha bóla coa masa e gardar na neveira polo menos 2 horas.
  3. Acender o forno a 180ºC
  4. Cubrir un molde duns 20 cm coa masa, poñer enriba un papel do forno e fabas ou garavanzos.
  5. Meter no forno durante 20 minutos.
  6. Sacar e reservar.



Recheo:

  1. Picar os allos porro moi picadiños, poñelos nunha tixola cun pouco de aceite e deixar cociñar ao lume moi suave.
  2. Retirar cando empecen a coller cor.
  3. Acender o forno a 180ºC.
  4. Bater os ovos, engadir a nata,mesturar.
  5. Engadir aos ovos e a nata o allo-porro e o queixo relado.
  6. Botar a mestura na tartaleta feita coa masa.
  7. Meter no forno durante 25 minutos.
  8. Aos 15 minutos abrir o forno e botar por enriba do pastel o xamón moi picadiño. 



Dificultade: Media.
Tempo aproximado: 1 hora e 30 minutos + o repouso da masa (a masa pode facerse o día anterior).