Empanadillas de bonito

Ingredientes:

Saen unhas 18.

Para a masa: 350 g de fariña sen glute Schär (mix pan), 3 ovos, 50 de manteiga, 50 g de auga, 7 g de lévedo seco, un pouco de sal.

Para o recheo: 1 cebola grande, 6 pementos do piquillo ou morróns, unha presa de olivas sen oso,  150 g bonito en conserva, azafrán.





Elaboración:

Masa

  1. Quentar un pouco a auga, sen pasar dos 36ºC, engadir o lévedo, un chisco de fariña e un chisco de azucre, deixar repousar ata que se faga escuma.
  2. Poñer na amasadora todos os ingredientes, amasar ata ter unha bóla que se separa das paredes do recipiente.
  3. Cubrir a masa cun pano húmido e deixar levedar nun lugar morno.

Recheo:

  1. Pelar e picar a cebola en anacos máis ben pequenos.
  2. Poñer a cebola nunha tixola con aceite e pochar a lume suave.
  3. Cando a cebola estea case feita engadir os pementos picados e as olivas picadas.
  4. Unha vez feitos a cebola e os pementos engadir o azafrán e o bonito esmiuzado, remexer, apagar o lume e deixar a tixola enriba.

Montaxe:

  1. Coller anacos de masa de aproximadamente 50 g, estirar a masa. Cortar, axudándose dunha taza*, un círculo duns 11 cm de diámetro.
  2. Colocar no centro do círculo un pouco de recheo, dobrar a masa para pechar a empanadilla axudándose dun garfo.
  3. Repetir os pasos anteriores ata rematar o recheo.


*Existen moldes que facilitan a montaxe das empanadillas.

Dificultade: Media
Tempo aproximado: 2 horas