Ingredientes:
Para as filloas: 1 ovo, 50 g de fariña sen glute (Adpan), 75 g de leite, 60 g de auga, un pouquiño de manteiga para untar a filloeira.Para o pesto: 12 tomates secos en aceite, 15 g de piñóns, 2 g de albahaca fresca, 15 g de queixo parmesano relado, guindilla ao gusto, 60 g de aceite de oliva virxe extra, un pouquiño de azucre, sal ao gusto.
Ademais: Una bola de queixo mozzarella.
Elaboración:
- Para as filloas:
- Bater o ovo, engadir a fariña e remexer ben, engadir o leite, a auga e o azucre, remexer ben. Se queda algún grumo coar a mestura.
- Poñer ao lume a filloeira, untar cun pouquiño de manteiga.
- Cando a filloeira estea ben quente botar un pouquiño da mestura inclinándoa para que a filloa quede fina.
- Cando os bordos da filloa empezan a coller cor, dar volta deixar uns segundos e pasar a filloa a un prato.
- Repetir ata terminar a mestura.
- Para o pesto:
- Poñer no vaso da batedora os tomates, a metade do aceite, a guindilla o sal, o azucre, os piñóns e a albahac, bater.
- Engadir o aceite necesario segundo a textura preferida.
- Engadir o queixo e mesturar ben, engadir un pouco de aceite se é necesario.
- Montaxe:
- Untar o pesto na filloa, poñer por enriba a mozzarella cortada moi fina.
- Enrolar. Cortar as puntas do rolo.
- Cortar o rolo en anacos ao gusto.
Receita do pesto vermello recollida en "Gastronomía y cía"
Dificultade: Facilísima.
Tempo aproximado: 45 minutos
Comentarios
Publicar un comentario
Encantaríame saber a túa opinión