Ingedientes:
Para a masa:300 g de fariña sen glute Beiker, 40 g de auga tibia e 10 g de lévedo seco, 140 g de auga tibia, 20 g de aceite de oliva virxe extra, 4 g de sal.
Para cubrir:
5 talladas finas de sobrasada sen glute, 1 ravo pequeno, rúcula, canónigos, queixo, gorgonzola, queixo parmesado relado, queixo emmental relado, unha presa de piñóns, 1 chalota picadiña, 1 culler de mel, 1 culler de vinagre de Xerez, 4 culleres de aceite de oliva vixe extra.
Elaboración:
A masa:
- Disolver o lévedo nos 40 g de auga tibia ( non ten que pasar dos 35ºC), deixar repousar ata que se forme escuma.
- Poñer nun recipiente a fariña, e no medio o resto de ingredientes, comezar a mesturar.
- Engadir o lévedo disolto cando formou escuma.
- Mesturar ben e amasar.
- Formar unha bóla e deixar levedar unha hora.
- Estirar a masa entre dous papeis do forno e darlle forma de disco.
Recollida en La cocina de Pikerita
Montaxe:
- Mesturar a chalota o mel, o vinagre e as catro cullers de aceite. Reservar a vinagreta.
- Acender o forno a 200ºC.
- Meter a masa no forno pintándoa cun pouco de aceite.
- Sacar a masa cando empece a coller cor.
- Poñer enriba da masa os canónigos, a sobrasada, anacos de queixo gorgonzola e piñóns.Cotar o ravo moi fino, poñelo por enriba.
- Engadir a rúcula e os queixos relados.
- Regar coa vinagreta, reservar un pouco.
- Meter outra vez no forno ata que os queixos estean fundidos.
- Sacar do forno e regar co resto da vinagreta.
Adaptada sen glute de Gastronomía & Cia
Dificultade: Media.
Tempo aproximado: 1 hora + 1 hora de repouso da masa.
Comentarios
Publicar un comentario
Encantaríame saber a túa opinión