Empanada de mexillóns con trigo sarraceno

Ingredientes:

Para a masa: 300 g de preparado panificable Beiker, 200 g de fariña de trigo sarraceno, 145 g de auga, 75 g de viño branco, 50 g de aceite de oliva virxe extra, 1 ovo, un pouco de sal, 10 g de lévedo seco.
Para o recheo: 200 g de mexillóns cocidos, 2 cebolas medianas, 4 pementos do piquillo, 50 g de xamón serrano picado, azafrán.




Elaboración:

Masa:

  1. Poñer nun vaso 50 g de auga ( dos 120 totais) e quentala un pouco, sen que supere os 30ºC, engadir o lévedo seco e reservar ata que se forme escuma.
  2. Poñer na amasadora todos os ingredientes, excepto o preparado no punto anterior. Comezar a amasar.
  3. Cando o lévedo teña escuma engadir á masa, seguir amasando uns minutos máis.
  4. Deixar repousar a masa nun sitio tépedo, tapada cun pano húmido.


Recheo:

  1. Pelar e picar a cebola.
  2. Poñer nunha tixola a cebola cun pouco de aceite e deixala ao lume suave.
  3. Cando a cebola estea transparente engadir os pementos picados e remexer. Deixar facer durante 10 minutos.
  4. Engadir á tixola os mexillóns, o xamón e o azafrán. Remexer, deixar a tixola enriba do lume apagado.


Montaxe:

  1. Acender o forno a 200ºC.
  2. Dividir a masa en dous anacos, un un pouco máis grande que o outro.
  3. Estirar os dous anacos de masa entre papeis do forno. A tapa de abaixo deixala un pouco máis grosa que a de enriba.
  4. Cubrir a tapa de abaixo co recheo, tapar coa tapa de enriba e pechar os bordes.
  5. Pintar a superficie coa xema de un ovo e un pouco de leite.
  6. Meter no forno durante 20 minutos.






Dificultade: Alta.
Tempo aproximado: 2 horas.