luns, 11 de febreiro de 2013

Aproveitamento do cocido 2: Croquetas

Ingredientes:

140 g de lacón do cocido moi picado (ou outra carne empregada no cocido), 120 g de gichos do cocido ( ou a verdura empregada no cocido), 40 g de manteiga, 55 g de maizena, 700 g de leite, pementa moída.
Para envolver as croquetas:  4 ovos, pan relado sen glute e  Crunchy Crumbs*.



*Quedan máis crocantes, pero pode usarse pan relado.

Elaboración:


  1. Poñer a manteiga nunha tarteira ao lume suave. Cando estea derretida engadir o lacón e os gichos e remexer, deixar que volva a coller calor.
  2. Engadir á tarteira o leite reservando medio vaso pequeno. Deixar que comece a ferver.
  3. Disolver a maicena no leite reservado antes.
  4. Cando o leite da tarteira estea fervendo engadir a maizena disolta.
  5. Engadir a pementa moída.
  6. Remexer durante 15 minutos. Probar e rectificar o sal.
  7. Deixar arrefriar.
  8. Pasar a bechamel fría a unha manga pasteleira e facer "curros" sobre un bandexa cuberta de pan relado.
  9. Deixar repousar na neveira durante dúas ou tres horas.
  10. Cortar as croquetas e envolvelas pasándoas por pan relado, ovo e Crunchy Crumbs,  nesta orde.






Dificultade: Media.
Tempo aproximado: 30 minutos ( máis o repouso e o tempo para envolver as croquetas)