Ingredientes:
750 g de fabas, 1 cabeza de allo, 200 ml de viño branco, 200 ml de viño Fino, 200 ml de aceite virxe extra, 5 chalotas, un sobre de azafrán en po, 500 g de bacallau desalgado, un pouco de perexil picado.
Elaboración:
- Cocer as fabas só con auga e a cabeza de allo enteira. Seguir a receita cando asa fabas estean case cocidas.
- Picar as chalotas e poñelas a pochar nunha tixola cun pouco de aceite.
- Engadir á tixola o azafrán, o perexil picado, dous dentes de allo dos cocidos coas fabas, os dous vasos de viño e o vaso de aceite. Deixar cociñar a lume suave.
- Cando as fabas estean cocidas quitarlles case toda a auga.
- Engadir ás fabas o contido da tixola, remexer e deixar cocendo a lume suave. Remexer de cando en vez para que as fabas espesen un pouquiño.
- Cortar os lombos de bacallau en anacos.
- Poñer os trozos de bacallau enriba das fabas e deixar ao lume moi suave ata que se fagan.
Tempo aproximado: 1 hora e media-
Comentarios
Publicar un comentario
Encantaríame saber a túa opinión