Biscoito de cabaza e noces

Ingredientes:

260 g de fariña (Adpan), 250 g de cabaza,100 g de noces, 12 g de lévedo químico, 200 g de aceite de xirasol, 120 g de azucre, 60 g de azucre invertido, 50 g de azucre muscovado, 4 ovos, media culleriña de canela, unha pizca noz moscada, e un cravo en po.

Elaboración:

1. Acender o forno a 180ºC.
2. Poñer na batedora os ovos e o azucre normal, bater ata que a mestura estea branca e dobre o volume.
3. Engadir o azucre muscovado e o azucre invertido.
4. Engadir o aceite.
5. Poñer no microondas durante 6 minutos á máxima potencia, a cabaza pelada e cortada en anacos.
6. Cando a cabaza estea cocida facer un puré coa batedora de man, reservar.
7. Mesturar a fariña, o lévedo, a noz moscad,a o cravo, a canela e as noces picadas.
8. Engadir a mestura anterior aos ovos co azucre remexendo suavemente.
9. Engadir o puré de cabaza.
10. Pasar a masa a un molde de silicona desmontable.
11. Adornar cunhas noces enteiras.
12. Meter no forno durante 45 minutos.

Dificultade: Fácil.
Tempo aproximado: 1 hora e 15 minutos.