Ingredientes:
2 kg de mexillóns, unha lata de tomate triturado de 500 g, dúas cebolas medianas, medio vaso de viño branco, perexil, 200 g de arroz bomba, dous dentes de allo, pementa negra moída, aceite de oliva virxe extra e sal.Elaboración:
- Poñer nunha tarteira os mexillóns ao lume suave ata que abran.
- Poñer nunha tarteira as cebolas cortadas en xuliana cun pouco de aceite e facer ao lume suave ata que estean tranparentes.
- Cando a cebola estea transparente engadir o viño branco, a pementa e o perexil picado, deixar evaporar o viño e engadir o tomate triturado. Deixar ferver a lume lento durante 30 minutos.
- Cando os mexillóns estean abertos retirar a tarteira do lume e deixar enfriar. Coar a auga que soltaron os mexillóns e reservar para aproveitala para facer o arroz.
- Sacar os mexillóns das cunchas quitándolles as barbas, reservar.
- Engadir os mexillóns á salsa de tomate, probar e rectificar de sal. Deixar a salsa cos mexillóns ao lume moi suave.
- Poñer nunha tarteira os dentes de allo con aceite ao lume suave. Cando os allos empecen a saltar engadir o arroz e remexer.
- Engadir a auga de cocer os mexillóns e un pouco máis se é necesario, deixar cocer.
- Probar o arroz cando estea cocido e rectificar de sal.
- Servir os mexillóns e o arroz branco.
Dificultade: Facilísima.
Tempo aproximado: 1 hora
Comentarios
Publicar un comentario
Encantaríame saber a túa opinión