Ingredientes:
4 mandarinas, 3 ovos, 300 g de nata, 125 g de azucre, 6 culleres de azucre moreno, un pouquiño de auga e unhas gotas de zume de limón.Elaboración:
- Poñer nunha tixola as culleres de azucre moreno cunha pouca de auga para facer o caramelo e unhas gotas de zume de limón.
- O caramelo estará feito cando ao botar unha pinga nun vaso con auga fría se forma unha boliña.
- Relar a pel de dúas mandarinas e mesturar co azucre.
- Acender o forno a 180ºC, poñer nunha das bandexas auga quente para facer o flan ao "baño María".
- Espremer as catro mandarinas.
- Bater os ovos e engadir o zume de mandarina, o azucre coa pel relada e a nata. Mesturar ben.
- Botar o caramelo no molde, movelo para distribuír ben o caramelo polo fondo e os laterais do molde.
- Cando o caramelo xa estea un pouco frío engadir a mestura de ovos e demais ingredientes.
- Meter o molde no forno e deixalo 40 minutos polo menos, comprobar que está callado antes de sacar.
Dificultade: Fácil.
Tempo aproximado: 45 minutos.
Comentarios
Publicar un comentario
Encantaríame saber a túa opinión